UM MIG

Ég lauk kantorsprófi frá Tónskóla Þjóðkirkjunnar árið 1998, undir leiðsögn Harðar Áskelssonar, Fríðu Lárusdóttur o.fl. Á árunum 1999-2007 nam ég við Tónlistarháskólann í Piteå í Svíþjóð, fyrst við kirkjutónlistardeild og síðar við konsertorganistadeild. Aðal orgelkennari minn var prof. Hans-Ola Ericsson. Kórstjórnarprófessorinn var Erik Westberg. Ég hef sótt meistarakúrsa og einkatíma hjá mörgum af þekktustu orgelleikurum og kórstjórum samtímans.

 

Ég kenni orgelspuna, orgelleik, kórstjórn og orgelfræði við Tónskóla Þjóðkirkjunnar og Listaháskóla Íslands og held líka reglulega námskeið og fyrirlestra. Ég hef haldið hátt í 100 einleikstónleika hérlendis og erlendis sem og leikið með fjölda innlendra og erlendra tónlistarmanna, bæði á tónleikum og í upptökum.

 

Ég hef bæði leikið einleik með Sinfóníuhljómsveit Norðurlands og Verkefnahljómsveit Michael Jón Clarke sem og stjórnað báðum hljómsveitunum. Ég stjórnaði líka Barokksveit Hólastiftis á meðan hún starfaði.

 

Ég starfa nú sem organisti við Akureyrarkirkju og stjórnandi kammerkórsins Hymnodia. Ég hef einbeitt mér annars vegar að flutningi tónlistar frá 17. öld og hinsvegar nútímatónlistar og spuna, bæði fyrir orgel og kór.

 

Undanfarið hef ég einbeitt mér að flutningi þjóðlagatónlistar og dægurtónlistar með ýmsum flytjendum, mest með eiginkonu minni, Elvý G. Hreinsdóttur.

 

Ég hef pantað og/eða frumflutt tugi tónverka eftir íslensk og erlend tónskáld.

 

Ég var bæjarlistamaður Akureyrar 2011-2012